आज मध्यरातिबाट निर्वाचनको मौन अवधि सुरु हुने भएको छ ।

- फाल्गुन १८, २०८२ १८:४२ मा प्रकाशित

सोलुखुम्बु, फागुन १८

प्रतिनिधिसभा निर्वाचन नजिकिँदै जाँदा आज मध्यरातिबाट निर्वाचनको मौन अवधि सुरु हुने भएको छ । निर्वाचन आयोगले मतदान सम्पन्न नभएसम्म राजनीतिक दल, उम्मेदवार तथा समर्थकलाई कुनै पनि प्रकारको चुनावी प्रचारप्रसार नगर्न निर्देशन दिएको छ ।

आयोगका अनुसार राति १२ बजेदेखि लागू हुने मौन अवधिमा सभा, जुलुस, प्रचार अभियान, मत माग्ने गतिविधि तथा मतदातालाई प्रभावित पार्ने कुनै पनि कार्यक्रम सञ्चालन गर्न पाइने छैन । प्रत्यक्ष मात्रै होइन, सामाजिक सञ्जालमार्फत गरिने प्रचारसमेत निषेध गरिएको छ ।

निर्वाचन आचारसंहिताले उम्मेदवार र दलका प्रचार सामग्री हटाउनुपर्ने व्यवस्था गरेको छ । यसअनुसार मतदान केन्द्र आसपास, विशेषगरी तीन सय मिटर क्षेत्रभित्र राखिएका पोस्टर, पम्प्लेट, ब्यानर लगायत सामग्री हटाइने निर्वाचन अधिकृतको कार्यालयले जनाएको छ ।

मौन अवधिमा राजनीतिक छलफल, अन्तरक्रिया, गोष्ठी वा कुनै पनि प्रकारका प्रचारमुखी कार्यक्रम आयोजना गर्न पाइँदैन । सामाजिक सञ्जालमा भोट माग्ने वा कुनै पक्षको समर्थनरविरोधमा सामग्री पोस्ट वा शेयर गर्नसमेत रोक लगाइएको छ ।

निर्वाचन आयोगले मतदातालाई दबाबमुक्त वातावरणमा मतदान गर्ने अवसर दिन र निर्वाचनलाई शान्तिपूर्ण तथा निष्पक्ष बनाउन मौन अवधि लागू गरिएको स्पष्ट पारेको छ । आयोगले नियम उल्लंघन भए कानुनी कारबाही गरिने चेतावनीसमेत दिएको छ ।

Post Visitors: 206

Comments

सम्बन्धित खवर

Warning: Attempt to read property "slug" on array in /home/solududhkunda/public_html/wp-content/themes/iceberg-news/single-post.php on line 90

Warning: Attempt to read property "slug" on array in /home/solududhkunda/public_html/wp-content/themes/iceberg-news/single-post.php on line 90

Warning: Undefined variable $post_id in /home/solududhkunda/public_html/wp-content/themes/iceberg-news/single-post.php on line 107

सोलुदुधकुण्ड अनलाईन