अनलाइनबाटै एनटीसीको सिम नामसारी गर्ने सुविधा देशभर उपलब्ध

- माघ २७, २०८२ १३:२२ मा प्रकाशित

काठमाडौँ । नेपाल टेलिकमले आफ्ना जीएसएम प्रिपेड सिमकार्ड प्रयोगकर्ताका लागि अनलाइनमार्फत ग्राहक विवरण (केवाईसी) अपडेट गर्न सक्ने व्यवस्था देशभरका लागि उपलब्ध गराएको छ । कम्पनीले आफ्नो २२औँ वार्षिकोत्सवको अवसर पारेर २२ माघदेखि देशभरका सबै कार्यालयमार्फत यो सेवा उपलब्ध भएको जानकारी दिएको हो ।

यसअघि गत २२ पुसदेखि काठमाडौँको सुन्धारास्थित दूरसञ्चार कार्यालयबाट परीक्षणका रूपमा सुरु गरिएको यो सुविधा अब देशभरका ग्राहकले लिन सक्ने भएका छन् । सिमकार्ड आफ्नो नाममा नरहेको वा विवरण सच्याउनुपर्ने ग्राहकले घरमै बसेर यो प्रक्रिया सुरु गर्न सक्नेछन् ।

विवरण सच्याउन चाहने ग्राहकले टेलिकमको पोर्टलमा गई आफ्ना विवरणहरू भर्न सक्नेछन् । पोर्टलमा लगइन गर्नका लागि सम्बन्धित मोबाइल नम्बरमा प्राप्त हुने ओटीपी कोड प्रयोग गर्नुपर्नेछ । व्यक्तिगत विवरणका साथै ग्राहकले सुरक्षा प्रयोजनका लागि आफूले सबैभन्दा धेरै कल गर्ने पाँच ओटा मोबाइल नम्बर पनि अनिवार्य रूपमा उल्लेख गर्नुपर्ने व्यवस्था गरिएको छ ।

अनलाइनमार्फत सबै आवश्यक विवरण र कागजात अपलोड गरिसकेपछि अन्तिम प्रमाणीकरणका लागि भने ग्राहकले नजिकैको नेपाल टेलिकमको कार्यालय वा ग्राहक सेवा केन्द्रमा सम्पर्क गर्नुपर्नेछ । अनलाइनमा भरिएको विवरण र पेश गरिएका प्रमाणका आधारमा टेलिकमको प्रणालीले विवरण प्रमाणीकरण गरी सिमकार्ड अपडेट गरिदिनेछ ।

Post Visitors: 241

Comments

सम्बन्धित खवर

Warning: Attempt to read property "slug" on array in /home/solududhkunda/public_html/wp-content/themes/iceberg-news/single-post.php on line 90

Warning: Attempt to read property "slug" on array in /home/solududhkunda/public_html/wp-content/themes/iceberg-news/single-post.php on line 90

Warning: Undefined variable $post_id in /home/solududhkunda/public_html/wp-content/themes/iceberg-news/single-post.php on line 107

सोलुदुधकुण्ड अनलाईन