लागुऔषध दुरुपयोग तथा ओसारपसार विरुद्धको अन्तर्राष्ट्रिय दिवस सप्ताहव्यापी कार्यक्रम खोटाङमा सम्पन्न

- असार १२, २०८२ १४:२७ मा प्रकाशित

खोटाङ, १२ असार २०८२ । “स्वस्थ, सभ्य र सुरक्षित समाजको प्रतिबद्धताः लागु औषध दुरुपयोग विरुद्ध ऐक्यबद्धता” भन्ने मूल नाराका साथ असार २० गतेबाट सुरु भएको लागुऔषध दुरुपयोग तथा ओसारपसार विरुद्धको अन्तर्राष्ट्रिय दिवस सप्ताहव्यापी कार्यक्रम खोटाङमा भव्य र्‍यालीसहित सम्पन्न भएको छ ।

जिल्ला समन्वय समिति खोटाङको आयोजनामा भएको समापन कार्यक्रममा जिल्ला समन्वय समिति प्रमुख सनबहादुर राईको नेतृत्वमा उप-प्रमुख सुरेश तामाङ, प्रमुख जिल्ला अधिकारी नरहरि घिमिरे, जिल्ला प्रहरी कार्यालय खोटाङका प्रमुख प्रहरी नायव उपरीक्षक प्रतीक बिष्ट लगायत सुरक्षा निकायका प्रमुख तथा प्रतिनिधिहरु, विभिन्न जनप्रतिनिधिहरु, सरकारी तथा गैर-सरकारी संघसंस्थाका प्रतिनिधिहरु, उद्योग वाणिज्य संघका प्रतिनिधि, विभिन्न वडाका वडाध्यक्षहरु, पत्रकार, शिक्षक/शिक्षिका तथा विद्यार्थीहरु, स्थानीय भद्रभलाद्मी र बुद्धिजीवीहरुको उल्लेख्य सहभागिता रहेको थियो ।

कार्यक्रमको समापन र्‍याली रत्नपार्कबाट सुरु भई बेसक्याम, त्रिवेणी चोक हुँदै भवनगैरास्थित जिल्ला समन्वय समितिको प्राङ्गणमा पुगेर सभामा परिणत भएको थियो । सप्ताहव्यापी कार्यक्रम अन्तर्गत प्रभातफेरी, हस्ताक्षर कार्यक्रम, निबन्ध लेखन प्रतियोगिता र विद्यालयहरूमा सचेतना कार्यक्रम समेत आयोजना गरिएको थियो ।

यो सप्ताहव्यापी अभियानले लागुऔषध दुरुपयोग र ओसारपसार नियन्त्रणमा जनचेतना अभिवृद्धि गर्न महत्वपूर्ण भूमिका खेलेको विश्वास गरिएको छ ।

Author

Tek Bahadur Khatri

Post Visitors: 339

Comments

सम्बन्धित खवर

Warning: Attempt to read property "slug" on array in /home/solududhkunda/public_html/wp-content/themes/iceberg-news/single-post.php on line 90

Warning: Attempt to read property "slug" on array in /home/solududhkunda/public_html/wp-content/themes/iceberg-news/single-post.php on line 90

Warning: Undefined variable $post_id in /home/solududhkunda/public_html/wp-content/themes/iceberg-news/single-post.php on line 107

सोलुदुधकुण्ड अनलाईन