काभ्रेमा बस दुर्घटना, १७ जना घाइते, चालक र सहचालकको अवस्था गम्भीर

- फाल्गुन १३, २०८१ १२:१५ मा प्रकाशित

सोलुखुम्बु फागुन १३ — काठमाडौंबाट ओखलढुंगातर्फ जाँदै गरेको अरनिको यातायात को बस काभ्रेमा दुर्घटनाग्रस्त भएको छ। रामेछापको धोबी, ढाँडे हुँदै ओखलढुंगाको पोकली जान लागेको प्रदेश ३-००१-००५ ख ९९४२ नम्बरको बस आज बिहान काभ्रेको धुलिखेल नगरपालिका-१० सारादा बतासेस्थित बी.पी. राजमार्गमा दुर्घटनामा परेको जिल्ला प्रहरी कार्यालय काभ्रेले जनाएको छ।

बस आफैं अनियन्त्रित भई सडकको नालीमा पल्टिँदा चालक र सहचालकसहित १७ जना घाइते भएका छन्। उनीहरूलाई तत्काल उद्धार गरी धुलिखेल अस्पताल लगिएको छ, जहाँ गम्भीर घाइते चालक र सहचालकको उपचार भइरहेको छ।

दुर्घटनाको समयमा बसमा २४ जना यात्रु सवार थिए। अन्य घाइतेहरूको पनि उपचार भइरहेको छ भने घटनाबारे थप अनुसन्धान जारी रहेको प्रहरीले जनाएको छ।

What’s your Reaction?