पाँच महिनामा नेपाली विद्यार्थीले विदेश पढ्न ४७ अर्बभन्दा बढी खर्च गरे

- माघ ४, २०८१ १०:४४ मा प्रकाशित

टेक बहादुर खत्री; खोटाङ: नेपाली विद्यार्थीहरू विदेशमा अध्ययन गर्न दिनप्रतिदिन आकर्षित भइरहेका छन्। चालु आर्थिक वर्षका पहिलो पाँच महिनामा मात्र उनीहरूले विदेश पढ्न जानका लागि ४७ अर्ब ३४ करोड रुपैयाँभन्दा बढी खर्च गरेको तथ्यांकले देखाएको छ।नेपाल राष्ट्र बैंकका अनुसार यो खर्च शैक्षिक परामर्श, भिसा प्रक्रिया, शिक्षण शुल्क, र अन्य प्रशासनिक खर्चहरूमार्फत विदेश जाने विद्यार्थीहरूले तिरेका रकम समावेश छ।विशेष गरी, अष्ट्रेलिया, अमेरिका, क्यानडा, र युरोपेली देशहरूमा उच्च शिक्षा अध्ययनका लागि नेपाली विद्यार्थीहरूको चाप बढिरहेको छ। ती देशमा गुणस्तरीय शिक्षा, रोजगार अवसर, र स्थायित्वको सम्भावना विद्यार्थीहरूलाई आकर्षित गर्ने प्रमुख कारण हुन्।शिक्षा क्षेत्रमा यस किसिमको खर्च वृद्धि हुनु देशका लागि चिन्ताको विषय बनेको छ। “विद्यार्थीहरूले ठूलो मात्रामा रकम बाहिर पठाउनुले देशको अर्थतन्त्रमा नकारात्मक प्रभाव पर्न सक्छ। यस्तै, देशभित्रै गुणस्तरीय शिक्षा प्रदान गर्न सके यो स्थिति कम गर्न सकिन्छ,” शिक्षा विज्ञहरूले बताएका छन्।विद्यार्थीहरूको विदेश मोह र यसले निम्त्याउने दीर्घकालीन प्रभावबारे व्यापक छलफल र योजनाको आवश्यकता औँल्याइएको छ। विदेश जाने प्रवृत्ति रोक्न सरकारले देशभित्रै शिक्षा सुधारमा ध्यान दिनुपर्ने आवाज पनि उठ्दै आएको छ।

What’s your Reaction?