टाप्टीङमा हिन्दु र बौद्ध धर्मावलम्बीहरुले संयुक्त रूपमा शेर्पाहरुको ग्याल्पो ल्होसार मनाउदै।
- फाल्गुन १६, २०८१ १५:०६ मा प्रकाशित

सोलुखुम्बु, फागुन १६ – सोलुदुधकुण्ड नगरपालिका–१०, टाप्टीङमा हिन्दु र बौद्ध धर्मावलम्बीहरुले संयुक्त रूपमा शेर्पा समुदायको महान् पर्व ग्याल्पो ल्होसार हर्षोल्लासका साथ मनाएका छन्।
बौद्ध धर्मावलम्बीहरुको महत्वपूर्ण नयाँ वर्षको रूपमा मनाइने ग्याल्पो ल्होसार विशेष गरी शेर्पा समुदायले धूमधामका साथ मनाउने गर्छन्। यस अवसरमा टाप्टीङमा रहेका विभिन्न समुदायका मानिसहरू पनि सहभागी भई एकआपसमा शुभकामना आदान-प्रदान गरेर ग्याल्पो ल्होसार मनाउदै छन ।
स्थानीय शेर्पा समुदायले परम्परागत भेषभूषामा सजिएर गाउँकै सुनाखरी सामुदायिक संस्थामानै पूजा–अर्चना गरे भने धर्मगुरुहरुले नयाँ वर्षको शुभकामना सहित शान्ति, समृद्धि र मेलमिलापको सन्देश दिएका छन। कार्यक्रममा हिन्दु धर्मावलम्बीहरूले पनि सक्रिय सहभागिता जनाउँदै धार्मिक सहिष्णुता र एकताका उदाहरण प्रस्तुत गरेका छन सो पर्व बर्सेनि हिन्दु र बौद्धधर्मवाल्म्बीहरुले मनाउदै आईरहेको छन ।
गाउँमा सो कार्यक्रमको आयोजना गरिँदा स्थानीय युवाहरूले परम्परागत शेर्पा नृत्य, गायन र ल्होसार विशेष परिकार प्रस्तुत गरेका छन। यस अवसरमा गुथुक, खाप्से, छ्याङ लगायतका परम्परागत परिकारको स्वाद लिने अवसर उपस्थितहरुले पाएका छन।
कार्यक्रममा सोलुदुधकुण्ड नगरपालिका वडा नं. १० का धर्म गुरु (लामा)मिङमार शेर्पाले भन्नू भयो “ग्याल्पो ल्होसारत तपाईं हाम्रो पहिचान मात्र नभई हाम्रो सांस्कृतिक धरोहर हो। यसलाई हिन्दु तथा अन्य समुदायसँग मिलेर मनाउनु आपसी भाइचाराको उत्कृष्ट उदाहरण हो।”
यसरी सोलुदुधकुण्ड–१० टाप्टीङमा ग्याल्पो ल्होसार हिन्दु तथा बौद्ध धर्मावलम्बीको संयुक्त सहभागितासहित उल्लासमय वातावरणमा सम्पन्न भएको छ। धार्मिक सहिष्णुता र सामाजिक मेलमिलापको भावना झल्काउने यस पर्वले समुदायबीच आपसी सम्बन्धलाई अझ सुदृढ बनाउने स्थानीयवासीहरूको विश्वास रहेको छ।
सोलुदुधकुण्ड अन्लाईन सम्पादक
रमेश कट्वाल सोलुखुम्बु ।

सम्बन्धित खवर
ट्रेन्डिङ
-
चैत्र १९, २०८१ २३:५३२०% काम सम्पन्न पश्चात दिक्तेल बोर्डिङले पायो ISO लोगो
-
चैत्र १९, २०८१ १७:१७नेपाल र थाइल्यान्डबिच आठ समझदारीपत्रमा हस्ताक्षर
-
चैत्र ११, २०८१ १७:३२पहिलो अभ्यास खेलमा नेपाल यु–१९ विजयी
-
फाल्गुन ३०, २०८१ ०७:४२सोलुखुम्बुमा भाइरल सङ्क्रमण, फाप्लु अस्पतालमा क्षमताभन्दा बढी बिरामी
लोकप्रिय
-
लोकप्रिय चैत्र १९, २०८१ २३:५३२०% काम सम्पन्न पश्चात दिक्तेल बोर्डिङले पायो ISO लोगो
-
लोकप्रिय चैत्र १९, २०८१ १७:१७नेपाल र थाइल्यान्डबिच आठ समझदारीपत्रमा हस्ताक्षर
-
लोकप्रिय चैत्र १८, २०८१ ०७:३८दिक्तेल इङ्लिस सेकेण्डरी बोर्डिङ स्कूल र ग्लोबल क्वालिटी काउन्सिलबीच दोहोरो सम्झौता
-
लोकप्रिय चैत्र १६, २०८१ १८:५२हलेसीमा निःशुल्क आँखा शिविर
Comments