मनाइयो सारङ्गी दिवस

मनाइयो सारङ्गी दिवस

- माघ २१, २०८१ १७:५५ मा प्रकाशित

तुलसीपुर, माघ २१ गते । चौधौँ सारङ्गी दिवस मनाइएको छ । तुलसीपुर उपमहानगरपालिका वडा नम्बर ४ मा रहेको गन्धर्व सङ्गीत सारङ्गी उत्पादन समूहले दिवस मनाएको हो ।

समूहले प्रत्येक वर्ष सारङ्गी दिवस मनाउँदै आएको छ । तुलसीपुर ४ रक्षाचौर गन्धर्व टोलका ७० वर्षीय शालिकराम गन्धर्वले युवापुस्ता माझ सारङ्गीको महत्त्व दर्शाउनका लागि दिवस मनाउन सुरु गरिएको बताउनुुभयो ।

टोलमा ६३ घरधुरी बढी गन्धर्व समुदायको बसोवास भएतापनि युवा पुस्ताको सारङ्गी बजाउने र बनाउने घट्दोक्रममा रहेको बताउनुभयो । उहाँले सारङ्गीका चार तारबाट नै ३६ स्वर निकाल्न सकिने बताउनुभयो ।

खमारी, खिर्रो, काठको मुर्रा, बाख्रा छाला र सल्लाको खोटो प्रयोग गरी सारङ्गी बनाइन्छ । सारङ्गीको मूल्य पाँचदेखि २५ हजार रुपियाँसम्म पर्दछ ।

संस्थाका अध्यक्ष अर्जुन नेपालीको अध्यक्षता एवम् तुलसीपुर उपमहानगरपालिका ४ का वडाध्यक्ष तुलसी थापाको प्रमुख आतिथ्यतामा दिवस मनाइएको हो । वडाध्यक्ष थापाले स्थानीय र प्रदेश सरकारको सहकार्य, सहयोगमा सारङ्गी प्रवर्धन गरिएको बताउनुभयो ।

Post Visitors: 172